( كبل العيد ) للشاعر جبر فاضل المشاي

كـــبل الـعـيد
كبل العيد...روحي متانيه وتنتضر اهلالك
وكبل العيد.. ودعت النبض ذمه ويه شريانك
خاوينه السهر كوه اعله رمش العين
واملت العيون بطيب وجدانك
كاويت الليالي امكالب ويه الليل
واسهر على الاه وبعد بيبانك
وسكيت الهروش الخاويه امن اسنين
بمرامط جذب وي زود نهرانك
داويت الجروح المالهن كل طيب
وبعز البردتشتاك لحضانك
زاعلني الفرح بس صاحبتني الاه
صرت انه الوتر والعازف الحانك
تانيتكتمرني اهلال يوم العيد
والبس ثوب الابيض ونزل احزانك
يا دمعه حزن عاشت عمر وياي
يا جمله عواطف باكهه السانك
يا شوكه العليك ويا رفيف اجلاي
يا نار الشماته وفرح عدوانك
متسودن عليك ابكل دقيقه اتفوت
كل لحضه انذبح بسيوف هجرانك
كبل العيد روحي امتانيه الملكاك
تخذف من تشاك وليل نسيانك
يا عيد اليسرني وحتى اكولن عيد
واضحك من صدك ويطيب نشيانك
اويا ثمر الجنيته اخلاف ثمر البيك
مصحوبه السعاده بثمرة اغصانك
ونته ابعيد عني ولا ينولك شوف
غم راي الوكت جي خاني او خاني






للشاعر
جبر فاضل المشاي _ العراق _ الناصريه